MC 自三月推岀第三張個人專輯《Treble》後一直久未露面，原來一直默默努力作曲，他說：「遲遲未出歌係因為年頭有好多工作需要完成，例如電影嘅拍攝、補拍，歌曲方面就需要繼續去寫歌，鑽研唱歌技巧，再加埋就係籌備嚟緊嘅演唱會。」MC 的新歌〈百萬大道〉MV 將於今晚九點於 YouTube 正式首播！

Editor: Meiling Heung
Source: Warner Music HK

舉行新歌發佈神秘派對

MC 張天賦日前於中環酒吧舉行新歌神秘派對，以獨特方式發布新歌，
向大家介紹他首次獨力作曲的新歌〈百萬大道〉，亦首度演唱其最新專輯的歌曲〈September with you〉及〈Butterfly〉。

MC 道：「今次其實係一個非常有新鮮感、好有型、好創新嘅一個新歌發佈會，係以一個私人 Party 嘅形式去邀請咁多位唔同朋友去見証呢一首歌嘅誕生！而且我認為場地係非常之適合〈百萬大道〉呢首歌嘅主題！今次呢首歌就叫〈百萬大道〉，亦都係第一首由我自己全首作曲嘅派台作品！」

MC 表示當初構思新歌的 MV 場景係是一種低調的型格，就像是在高速公路開車奔馳的那種酷勁，但與監製陳考威溝通過後就改變了想法，加點 Rock 的味道反而更適合！再加上陳詠謙填詞，促成了〈百萬大道〉的誕生。

新歌〈百萬大道〉首次獨力親自作曲

「底牌是夢，而籌碼是我們的青春」是 MC 新歌〈百萬大道〉其中一個想傳遞的訊息，因此 MV 裏面亦安排有大量盡情搖擺地彈結他、開車、玩撲克牌等畫面，看似多娛樂，會是 MC 拍過最輕鬆的 MV 嗎？他回答道：「今次 MV 我覺得未必係我最輕鬆嘅 MV，目前我覺得排第一 (輕鬆) 會係〈花海〉，一來新歌 MV 拍攝時間長，二來我認為今次 MV 拍攝最困難嘅地方係在於服裝，一來有好多有窿窿嘅衫，所以喺行嘅時候要好小心，而且都要佩戴好多首飾，其實條頸都幾重，希望大家會鐘意！」

昐今年推出四首歌曲

問到 MC 今年會有多少作品面世？可有計劃包辦下一張專輯的作曲部份？他則表示今年應該會有 3-4 首歌會面世，一來希望可以趁演唱會呈現這首新歌給觀眾，而且演唱會的歌單中很有機會有一部份歌由自己作曲，除了新歌之外，亦將會有電影作品發布，所以這段時間掛念 MC 的歌迷們，下半年應該會有更多機見見到 MC！