陳柏宇吹水了得促成與 Yellow! 野佬合作，新歌〈唞〉MV 今晚九點首播！

2024 年 5 月 8 日

陳柏宇 Jason 的吹水能力向來強橫，強到在 YouTube 開設 Channel 「廣偉論」暢所欲言，平日的影片都夠生活化，非常搞笑！但估不到亦因為他的高超吹水能力，促成今次與 Yellow! 野佬合作新歌〈唞〉之外，就連參與 MV 拍攝的林家熙 Locker 對於他的吹水能力都甘拜下風！

Source: Sony Music HK

Jason 在去年年中音樂頒獎禮後台巧遇 Yellow! 野佬，他即時邀歌，希望對方能為自己寫一首麻甩、日系感覺，屬於 Yellow! 野佬風格的作品，小胡@Yellow! 野佬回憶道：「Jason 問我哋有冇歌，仲話好想要野佬啲歌，咁我哋都好快速，半年之後就完成首歌俾佢，但估唔到 Jason 好慷慨，一聽就話好正，仲話不如一齊玩，就促成咗今次嘅合作。」

Jason 主動向 Yellow! 野佬邀歌。

不過正式製作新歌時，發生了一段小插曲，就是小胡寫的旋律中，竟被隊友何兆基發現verse 的部份有點古天樂〈男朋友〉的影子，不過小胡表示：「唔係刻意抄襲，但唔小心哼咗人哋啲歌都唔出奇。」但為免引起誤會，經過投票後大家都決定修改了 verse 的部份，大家無緣聽到舊版本了。歌曲的跳脫節奏，配上填詞人梁栢堅的歌詞，道出了人生小小道理：在都市生活，大家有時都會好攰，不如「唞下」，不要太辛苦，得閒要放放假。

林家熙 Locker 大讚 Jason 口才了得如棟篤笑

Jason 的吹水功力，Yellow! 野佬領教過，之後就連拍攝〈唞〉的 MV 時，當中的主角Locker 都領教到。Locker 在 MV 中扮演大廈保安，講述他返工遇到各式各樣的住客，而一班野佬與 Jason 就扮演其中。

這是 Locker 第一次飾演保安，所以對所有事物都感到十分新奇，由更亭陳設，到巡樓過程，都令他感到十分新鮮，拍攝過程十分好玩。他更說：「今次 MV 裡面有打鬥、有感情線、又有同 Jason 嘅文戲，感覺好似拍緊一套戲。」問到他與 Jason 交手的過程，他笑言對方的吹水功力令人讚嘆，Locker 道：「喺 MV 入面 Jason 係一個好煩嘅租客，係咁不停講，我哋拍攝嗰陣雖然唔收音，但 Jason 可以每個 take 都有唔同嘅內容可以講到出嚟，如果佢唔做歌手，可以去開棟篤笑。」一如 Locker 所說，Jason 上至按摩，下至養寵物，總之每拍一 take 就講及新的內容，而且內容幽默又搞笑，現場有些工作人員都忍不住爆笑。