Gareth.T 湯令山出道短短數年，人氣一直有升無減，近日推出今年第一首國語派台作品〈遇上你之前的我〉，Gareth 每首歌曲 MV 甫播出均引起熱話，繼上次到蒙古騎馬取景後，今次新歌再接再厲，赴菲律賓陽光與海灘取景，為向二千年代 R&B  MV 致敬，找來多位美女出鏡，更苦練肌肉赤身上陣！

Editor: Meiling Heung
Source: Warner Music HK

新歌赴菲律賓拍攝

繼〈國際孤獨等級〉及〈緊急聯絡人〉後，新歌也是在外地取景，為什麼這次選址會是菲律賓？他說：「點解今次會揀菲律賓，係因為我自己就好鐘意一個 Pharrell Williams 同埋 Snoop Dog 嘅 video，叫做〈Beautiful〉，呢個 video 就係大概二千年代 R&B 同埋 Hip-Hop 一個我覺得標準嘅 MV，嗰個 MV 佢地去咗巴西，有好多陽光沙灘又大屋，咁我又想拍返個差唔多嘅 MV 所以我就揀咗菲律賓呢個地方啦，今次係第一次嚟菲律賓呢個地方，第一印象就係好熱啦！超級熱！同埋太陽係十分猛 (烈)，最後返到香港我都有黑咗好多！」

陽光與海灘取景，新歌旋律卻揪心動人

新歌〈遇上你之前的我〉MV 畫面都是陽光與海灘，如果你以為是一首節奏輕快的快歌所以取景於此，那就錯了！戴上耳機一聽，原來有聽著二千年代台灣 R&B 情歌的感覺，旋律揪心，更有網民留言分享最近與女友分手，還記得熱戀時和前女友一起聽著 Gareth. T 的〈dinner in bed〉，後來隨著這段關係的轉變，聽著 Gareth. T 的〈let me know〉、〈緊急聯絡人〉、〈國際孤獨等級〉，現在分手後卻聽著 Gareth.T 的〈遇上你之前的我〉，也希望自己變回當初「遇上你之前的我」，看來 Gareth. T 的歌一直陪伴不少聽眾成長！

Gareth. T – 〈遇上你之前的我〉 (Official Video)

〈遇上你之前的我〉由 Gareth.T 和 Teddy Fan 作曲、Tyson Yoshi 填詞，至於為甚麼今次出國語歌？Gareth 則表示是因為上年年尾和 Tyson Yoshi 一起演出的 concert，那次演出較多首國語歌，再加上自己私底下都會點播國語歌，因此這次是一個新嘗試，而唱歌的方法也與廣東話歌的演繹稍有分別，更加保護聲帶，所以選擇了出一首國語歌。但 Gareth 強調每首歌曲都是圍繞他自己的人生，今次和 Tyson 都是參照 Gareth 的生活背景而聯手寫了這篇歌詞，因此〈遇上你之前的我〉是 Gareth 身上發生過的其中一個真實故事。

最大膽的一次演出

今次 MV 可算是 Gareth 所有 MV 最「大膽」的一次，被問及為何今次 MV 有這個想法 ？他說：「咁今次呢個 MV 比較大膽其實每個 MV 都好大膽，上次〈緊急聯絡人〉去咗蒙古好凍要騎馬其實我都覺得好大膽，今次大膽就係因為係二千年 R&B Video 入面好多都會唔著衫，例如 Pharrell Williams 同埋 Snoop Dog 等等，咁都係一個 (二千年代) video 入面其中一個我覺得係幾自然嘅一個部份，即係都唔係話我要 show 我好大隻，但係就因為今次有拍啲冇著衫嘅影片啦，所以都練得大隻咗，我都覺得呢個係辛苦嘅，因為食少咗好多野！」

Gareth. T 目前狀態

問 Gareth 有沒有參與 MV 的幕後工作、今年的目標、何時再推出下一張專輯及個人演唱會時，他說：「喺 (MV) 入面其實都有參與幕後嘅工作，但因為始終唔係好認識菲律賓嘅地方，所以搵景方面都係靠菲律賓嘅工作人員去搵，但佢地搵得好好，個沙灘又好好！但剪接方面當然我就有自己嘅建議。今年嘅目標其實都係每次整啲唔同嘅歌呀，同唔同嘅人合作！我嘅目標其實都係整啲最好嘅歌同埋滿意嘅歌出黎，專輯方面就應該係當我儲埋好多首我好滿意嘅歌，咁隻專輯就會面世啦！但而家就暫時未夠嘅，而家暫時都係寫緊。但搞演唱會就梗係想啦！不過都要睇下時機先。」

Gareth. T – 〈遇上你之前的我〉MV 幕後花絮：