近日 MIRROR 正忙於《MIRROR FEEL THE PASSION CONCERT TOUR 2024》，馬不停蹄走訪世界了倫敦、曼徹斯特、三藩市及洛杉磯站後，前晚他們到達紐約準備演出外，他們亦應當地 FOX 電視台邀請，接受 FOX5 頻道《Good Day New York》節目訪問。

Editor: Meiling Heung
Source: 大國文化

為最新英文單曲〈Day 0〉走訪不同媒體落力宣傳

MIRROR 前晚到達紐約稍作休息後，便現身 FOX 電視台進行《Good Day New York》的直播訪問，為最新英文單曲〈Day 0〉進行宣傳。過去韓團 ITZY、SEVENTEEN、GOT7，甚至加拿大歌手 Shawn Mendes 亦曾登上該節目。節目中，12 子除了演繹新歌〈Day 0〉外，他們更接受了兩位節目主持 Rosanna Scotto 及 Curt Menefee 的訪問，主持 Curt Menefee 訪問 12 子到達紐約時及於美國演出的感受，Anson Lo 代表回答感到受寵若驚，在整趟旅程中，感受到無限的愛和溫暖，粉絲不止是在機場迎接 MIRROR 成員，在他們的演出中亦落力呼叫偶像的名字。

主持 Rosanna Scotto 問 Ian 到步紐約後是否有機會遊覽紐約？還是大吃 Pizza？Ian 則笑說其實才剛到步紐約不久，倉促睡了兩小時後，便急著前來與兩位主持人見面了，Rosanna Scotto 聽了後反應冧爆。Ian補充道：「我哋嚟到美國已經喺三藩市同洛杉磯做咗兩場Show，都好期待喺紐約 UBS Arena 嘅演出。」

努力推廣 Cantopop 文化

主持 Curt Menefee 好奇表示想知道何謂「Cantopop」？Anson Lo 解釋 MIRROR 嘗試汲取各種音樂文化的養份，卻又同時保留 MIRROR 成員及廣東歌的獨特性。

被問到想跟誰人合作，Stanley 表示：「一定係 Dame D.O.L.L.A，我哋都超級興奮，因為我哋部份係 NBA 球星嘅擁躉，所以能夠同 Dame 合作，係莫大嘅榮幸。」隨後 Anson Lo 亦有提及 MIRROR 的音樂種類，說：「我哋吸收世界各地不同音樂曲風，包括歐美作品，但與此同時，當中亦包括香港廣東歌獨有嘅旋律風格。」在節目現場，大家更與主持打成一片，Anson Lo 更即興與主持人 Rosanna Scotto 一同起舞，令現場氣氛迅速升溫。

Cantopop group ‘MIRROR’ talks ‘Feel The Passion’ world tour

事後 MIRROR 分享能參與這次訪談的感受，其中 Anson Lo 道：「今次好榮幸上到 FOX 呢個節目，其實由細到大都冇諗過可以上到美國一個咁著名嘅電視節目，甚至可以喺上面表演兼且同主持玩，呢件事對自己嚟講好奇妙。我哋以 MIRROR 呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係一個好好嘅第一步，令我哋更加有動力繼續前進。」

Edan 亦表示：「好榮幸，冇諗過可以上喺海外嘅一個訪談節目做訪問，同時亦都好緊張，因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」

Stanley 亦表示：「可以上到 FOX 呢個節目，感覺係超級 Amazing，所以我哋非常珍惜今次嘅機會，希望可以做得再好啲。希望大家會喜歡我哋嘅表演啦！」姜濤亦道：「我哋 MIRROR 好開心有呢次機會，希望未來日子可以有更多人聽到我哋嘅作品。」

在今次紐約之行，除了參與FOX的訪談，MIRROR 亦有接受另一電視台 CNN 及串流音樂平台 Pandora 等等的訪問，收穫甚豐。