有些情侶選擇愛得高調以認定一份愛情，無懼將一段關係攤露於鎂光燈下；有些情侶則選擇愛得低調以守護一份愛情，只想與另一半建築一個舒適的宇宙。以上抉擇沒有對或錯，皆因每對情侶都有一套獨特的相處方式向對方表達愛。

繼《只要你不尷尬》後，洪嘉豪 Kaho 推出新企劃的第二主打，由 Hans 陳思翰作曲、陳詠謙填詞、Hans 陳思翰及 Larry Wong 編曲，以及 Larry Wong 監製的《黑玻璃》。《黑玻璃》的靈感來自嘉豪對日常生活的觀察，「黑玻璃」指的是安裝於車輛的一些透光度較低的玻璃，因此車外的人較難看到車內所發生的事，讓車內的私隱度受到保護。Kaho 認為「黑玻璃內的愛情」是一個頗浪漫的想法，所以便把這個想法發展成這一首作品。

Editor: Meiling Heung
Credit: Warner Music Hong Kong

洪嘉豪 Kaho 剛剛推出 2024 年第一首新歌 《黑玻璃》，早前一出單曲封面已令大家覺得非常有《頭文字D》感覺，原來 MV 真的去到漫畫中的賽道碓冰拍攝，讓愛車的 Kaho 可以自肥大過車癮！團隊更挑選幾個要攀山涉水才能夠去到的靚絕景點，除了新海誠的動畫《你的名字》中描繪的長野縣諏訪湖，更登上日本「百名山」之一的霧峰最高峰、位於海拔 1,925 公尺的車山神社取景，令 MV 日系感覺滿滿！

「今次我新歌《黑玻璃》MV 就係去咗日本揸車，亦都係我呢五年嘅歌手生涯第一次出埠拍 MV！因為歌曲都係講車嘅，咁所以今次 MV 就決定揸車，亦都想俾人知道我鐘意揸車嘅呢一面。」對車也頗有研究的 Kaho 對日本車情有獨鍾，對車款與 MV 意境的配合度也很有想法，思前想後終於挑選了 Honda FL5 作為 MV 的第三個主角，而早前考了棍波車牌的 Kaho 一坐上自己的 「Dream Car」即刻非常興奮，每一幕揸車場景都要自己親身上陣，更豪言一定要買這部車！

今次的 MV 甜度十足，一反 Kaho 過往 MV 的慘情情節，而 Kaho 也大讚女主角：「女主角 Ocean 其實本身係一個中文教師同時都有參與一啲演員嘅工作，今次其實我好多謝佢，因為好多時其實我做一啲甜蜜啲嘅鏡頭我都會有啲尷尬，但反而佢今次係 Lead 住我，所以今次合作非常之咁順利。」問到拍互動是否史上最親密的一次 ，「其實可以咁講亦都唔可以咁講， 因為之前《逆時車站》個 MV 都有啲頭貼頭、比較近少少嘅鏡頭，但今次可能就再多咗啲擁抱嘅身體接觸，都 ok 嘅。」

《黑玻璃》 MV 中，Kaho 和女主角 Ocean 的甜蜜互動。

今次這首歌於車界內引起迴響，除了得到不少專頁的分享，還竟然得到世一劍手張家朗的轉發！「引起迴響可能係因為今次我揀嘅呢架車係識車之人都會 Respect 嘅一架車。」Kaho 開心分享道。他亦稱一向知道張家朗也是愛車之人，估計這款車可能引起了他的共鳴，從而轉發。事後 Kaho 亦私訊張家朗道謝，並感恩彼此因為車而結緣，希望日後有機會遇到本人時再大聊「車經」。至於被問到會否打算認真做車手，Kaho 回應道：「都好㗎！但係做車手都係一個好需要金錢嘅活動，所以我都係做返一個普通嘅街車車手，哈哈！」

同樣是愛車之人的世一劍手張家朗亦有於 Instagram 帳號分享 Kaho 的新歌《黑玻璃》。

連好友 Tyson Yoshi 都有分享 Kaho 試車的畫面！

Kaho 今年 4 月 13-14 日將會首次登上紅館舉行演唱會，問及是否已開始準備閉關？前年已經於西九舉行過大型演唱會的 Kaho 今次似乎已調節好心態：「其實一直都開始鍛鍊，咁又未至於需要閉關嘅，今次唔想比咁大壓力自己，都會盡力做但未必會閉關，每日都會做吓訓練準備好自己！」

洪嘉豪《黑玻璃》MV 花絮片段：

洪嘉豪 Hung Kaho – 黑玻璃 Tinted Windows (Official Music Video)：